ଗଣମାଧ୍ୟମ ବିନା ଗଣତନ୍ତ୍ର ସମ୍ଭବ ନୁହେଁ
Saturday, March 7, 2026
ଗଣମାଧ୍ୟମ ବିନା ଗଣତନ୍ତ୍ର ସମ୍ଭବ ନୁହେଁ
Friday, March 6, 2026
କେନ୍ଦ୍ରୀୟ ଦୋଳ ମେଲଣ ସମିତି ପକ୍ଷରୁ ୧୨ତମ ଦୋଳ ମେଲଣ ଉତ୍ସବ ଅନୁଷ୍ଠିତ।
କେନ୍ଦ୍ରୀୟ ଦୋଳ ମେଲଣ ସମିତି ପକ୍ଷରୁ ୧୨ତମ ଦୋଳ ମେଲଣ ଉତ୍ସବ ଅନୁଷ୍ଠିତ।
*ରାଉରକେଲାର କଲୁଙ୍ଗାରେ ଅଜଣା ଯୁବତୀର ଶବ ଉଦ୍ଧାର*
*ରାଉରକେଲାର କଲୁଙ୍ଗାରେ ଅଜଣା ଯୁବତୀର ଶବ ଉଦ୍ଧାର*
ସୂଚନା ଅନୁସାରେ ରାଉରକେଲା ବ୍ରାହ୍ମଣୀତରଙ୍ଗ ଥାନା ଅଧିନସ୍ଥ ଆଜି ସକାଳେ ଏକ ଯୁବତୀର ଶବ ମିଳିବା ପରେ ସ୍ଥାନୀୟ ଅଞ୍ଚଳର ଲୋକମାନଙ୍କ ବ୍ରାହ୍ମଣୀତରଙ୍ଗ ଥାନାକୁ ସୂଚନା ଦେଇଥିଲେ। ପୋଲିସ୍ ଘଟଣାସ୍ଥଳରେ ପହଞ୍ଚି ଯୁବତୀଙ୍କୁ ହତ୍ଯା କରାଯାଇଥିବା ସନ୍ଦେହ କରି ପୋଷ୍ଟମର୍ଟମ ପାଇଁ ପଠାଇ ଘଟଣାର ତଦନ୍ତ ଜାରି ରଖିଛି। ପୋଲିସ୍ ପକ୍ଷରୁ ସନ୍ଦେହ କରାଯାଉଛି ଯେ ଯୁବତୀଙ୍କୁ ସେଠାରେ ହତ୍ଯା କରାଯାଇଛି ନାଁ, ଅନ୍ଯ କେଉଁଠାରୁ ହତ୍ଯା କରି ସେଠାରେ ଫିଙ୍ଗି ଦିଆଯାଇଛି। ପୋଷ୍ଟମର୍ଟମ ରିପୋର୍ଟ ଆସିବା ପରେ ହତ୍ଯା ଘଟଣାର ରହସ୍ଯ ଜଣାପଡିବ ବୋଲି ପୋଲିସ୍ ପକ୍ଷରୁ କୁହାଯାଇଛି। ପ୍ରାଥମିକ ତଦନ୍ତ ରିପୋର୍ଟ ମିଳିବା ପରେ ଯୁବତୀଙ୍କ ହତ୍ଯା ରହସ୍ୟ ଜଣାପଡିବ। ଯୁବତୀଙ୍କ ପରିଚୟ ମିଳିପାରିନାହିଁ।
ଭକ୍ତି ଭାବାବେଗ ପରିବେଶରେ ଉଦଯାପିତ ହେଲା ଅଷ୍ଟପ୍ରହର ନାମଯଜ୍ଞ
ଭକ୍ତି ଭାବାବେଗ ପରିବେଶରେ ଉଦଯାପିତ ହେଲା ଅଷ୍ଟପ୍ରହର ନାମଯଜ୍ଞ
Sunday, March 1, 2026
ପୁଣି କୋଇଡାରେ ଦେଢ଼ କୋଟି ଟଙ୍କାର ଅଫିମ ଚାଷ ନଷ୍ଟ
ପୁଣି କୋଇଡାରେ ଦେଢ଼ କୋଟି ଟଙ୍କାର ଅଫିମ ଚାଷ ନଷ୍ଟ
ବଣେଇ,2|3(ଭାଗ୍ୟ ପ୍ରଣେତା)-ଅଫିମ ଚାଷ ନଷ୍ଟ କରିଛି କେବଲାଙ୍ଗ ପୁଲିସ୍ ଓ ଅବକାରୀ ବିଭାଗ। ଏକ ଏକରରୁ ଊର୍ଦ୍ଧ୍ଵ କ୍ଷେତରେ ଦେଢ଼ କୋଟିରୁ ଅଧିକ ଟଙ୍କାରେ ବେଆଇନ ଅଫିମ ଚାଷ ହେଉଥିବା ବେଳେ ତାହାକୁ ଆଜି ସମ୍ପୂର୍ଣ୍ଣ ନଷ୍ଟ କରାଯାଇଛି|ପୁଣି କୋଇଡା ଅଞ୍ଚଳରେ ସାମ୍ନାକୁ ଆସିଲା ଅଫିମ ଚାଷ । କେବଲାଙ୍ଗ ଥାନା ନୂଆ ତନ୍ତରା ଗାଁରେ ଦୀର୍ଘ ୪ ମାସ ହେଲା ଚାଲିଥିଲା ବେଆଇନ ଅଫିମ ଚାଷ । ଯାହାକୁ ଆଜି ନଷ୍ଟ କରିଛି କେବଲାଙ୍ଗ ପୁଲିସ୍ ଓ ଅବକାରୀ ବିଭାଗ। ଏକ ଏକରରୁ ଊର୍ଦ୍ଧ୍ଵ କ୍ଷେତରେ ଦେଢ଼ କୋଟିରୁ ଅଧିକ ଟଙ୍କାରେ ବେଆଇନ ଅଫିମ ଚାଷ ହେଉଥିବା ବେଳେ ତାହାକୁ ଆଜି ସମ୍ପୂର୍ଣ୍ଣ ନଷ୍ଟ କରାଯାଇଛି।ଜଣଙ୍କୁ ଅଟକ ରଖି ଅଧିକ ପଚରାଉଚରା କରାଯାଉଛି|ଘଟଣା ସ୍ଥଳରେ କୋଇଡା ତହସିଲଦାର ନିର୍ମଳ ବିଶ୍ୱାଳ, କେ ବଲାଙ୍ଗ ଥାନା ଅଧିକାରୀ ଅଶୋକ କୁମାର ବେହେରା, ଓ କୋଇଡା ଥାନା ଅଧିକାରୀ ରାଜେନ୍ଦ୍ର ସ୍ୱାଇଁ ସମେତ ଅବକାରୀ ବିଭାଗର ବରିଷ୍ଠ ଅଧିକାରୀ ହେମନ୍ତ ମହାନନ୍ଦିଆ, ପୁଷ୍ପଲତା ଗୋସ୍ଵାମୀ ଉପସ୍ଥିତ ରହିଥିଲେ। ଘଟଣାରେ ଜଣଙ୍କୁ ଅଟକ ରଖି ଅଧିକ ପଚରାଉଚରା କରାଯାଉଛି। ଗୋଟିଏ ମାସ ମଧ୍ୟରେ କେବଳ କୋଇଡା ଅଞ୍ଚଳର ତିନୋଟି ସ୍ଥାନରେ ବେଆଇନ ଅଫିମ ଚାଷକୁ ନଷ୍ଟ କରାଯାଇଛି। ବଣାଇଁ ଉପଖଣ୍ଡରେ ଥିବା ଘଞ୍ଚ ଜଙ୍ଗଲରେ ପୂର୍ବରୁ ଗଞ୍ଜେଇ ଚାଷ ହେଉଥିବା ବେଳେ ଏବେ ଅଫିମ ଚାଷ ଅବକାରୀ ବିଭାଗର ମୁଣ୍ଡବ୍ୟଥାର କାରଣ ସାଜିଛି । କିଛି ଦିନ ପୂର୍ବରୁ କୋଇଡା ଅଞ୍ଚଳରେ ଅଫିମ ଚାଷ ଠାବ କରି ନଷ୍ଟ କରା ଯାଇଥିବା ବେଳେ ଏବେ ମଧ୍ୟକୋଇଡା ବ୍ଲକ ଅନ୍ତର୍ଗତ କେ ବଲାଙ୍ଗ ଥାନା ଅନ୍ତର୍ଗତ ଚୋରଧରା ଗ୍ରାମ ପଞ୍ଚାୟତ ଅନ୍ତର୍ଗତ ତାଳଡ଼ିହି ଅଞ୍ଚଳରେ ଅଫିମ ଚାଷ ହୋଇଥିବା ଖବର ଏବେ ଚର୍ଚ୍ଚାର ବିଷୟ ପାଲଟିଛି । ସୋମବାର ସକାଳେ କେ ବଲାଙ୍ଗ ପୁଲିସ ଓ ଅବକାରୀ ବିଭାଗ ପକ୍ଷରୁ ମିଳିତ ଚଢଉ କରି ତାଳଡିହି ଅଞ୍ଚଳରେ ଅବୈଧ ଭାବେ ୫୦ ଡିସିମିଲ ଜମିରେ ଚାଷ କରାଯାଇଥିବା ପ୍ରାୟ ୩୦ହଜାରରୁ ଊର୍ଦ୍ଧ୍ୱ ଅଫିମ ଗଛକୁ କୋଇଡା ଅତିରିକ୍ତ ତହସିଲଦାରଙ୍କ ଉପସ୍ଥିତିରେ ନଷ୍ଟ କରାଯାଇଛି, ଯାହା ଆନୁମାନିକ ମୂଲ୍ୟ ଦେଢ଼ କୋଟି ଟଙ୍କା ହେବ ବୋଲି ବିଭାଗ ପକ୍ଷରୁ ଆକଳନ କରାଯାଇଛି|
ସମ୍ବଲପୁର କୋର୍ଟକୁ ପୁଣି ବୋମା ଧମକ, ଧମକପୂର୍ଣ୍ଣ ମେଲ୍ ପରେ ବୋମା ନିଷ୍କ୍ରିୟ ଟିମ୍ ଓ ଡଗ୍ ସ୍କ୍ବାଡ୍ର ଛାନ୍ଭିନ୍
ସମ୍ବଲପୁର କୋର୍ଟକୁ ପୁଣି ବୋମା ଧମକ, ଧମକପୂର୍ଣ୍ଣ ମେଲ୍ ପରେ ବୋମା ନିଷ୍କ୍ରିୟ ଟିମ୍ ଓ ଡଗ୍ ସ୍କ୍ବାଡ୍ର ଛାନ୍ଭିନ୍
ସୂଚନା ଅନୁଯାୟୀ, ରବିବାର ବିଳମ୍ବିତ ରାତିରେ ସମ୍ବଲପୁର କୋର୍ଟକୁ ଆସିଥିଲା ବୋମା ଧମକ । ପୂର୍ବରୁ ମଧ୍ୟ ସମ୍ବଲପୁର କୋର୍ଟକୁ ବୋମାରେ ଉଡ଼ାଇ ଦେବାକୁ ଧମକ ଆସିଥିଲା । ଆଉ ଏବେ ପୁଣି ଥରେ ସେହିଭଳି ଭାବରେ ଆସିଛି ଧମକ । ତେବେ ଧମକ ପରେ ଜିଲ୍ଲା ପ୍ରଶାସନ ପୁରା ଆକ୍ସନ ମୋଡ୍କୁ ଆସିଛି । ତୁରନ୍ତ ଜିଲ୍ଲା ପୋଲିସ, ବମ୍ ସ୍କ୍ୱାର୍ଡ, ଡଗ୍ ସ୍କ୍ୱାଡ୍ ଘଟଣାସ୍ଥଳରେ ପହଞ୍ଚି ଛାନ୍ଭିନ୍ ଆରମ୍ଭ କରିଛନ୍ତି । ଏପରିକି ସମ୍ବେଦନଶୀଳ ସ୍ଥାନ ମାନଙ୍କରେ ତନତନ କରି ଯାଞ୍ଚ କରୁଛନ୍ତି ।
ସୂଚନା ଯୋଗ୍ୟ ଯେ, ଗତ ଜାନୁଆରୀ ୮ ତାରିଖ ଦିନ ଓଡ଼ିଶା ହାଇକୋର୍ଟ ସମେତ କଟକ ଓ ଦେବଗଡ଼ ଜିଲ୍ଲା କୋର୍ଟକୁ ଧମକପୂର୍ଣ୍ଣ ଇମେଲ୍ ଆସିଥିଲା । ଯେଉଁଥିରେ କୋର୍ଟ ପରିସରରେ ଆତ୍ମଘାତି ବୋମା ବିସ୍ଫୋରଣ ହେବ ବୋଲି ଉଲ୍ଲେଖ ଥିଲା । ସେହିପରି ଫେବ୍ରୁଆରୀ ୬ ତାରିଖରେ କଟକ ଜିଲ୍ଲା କୋର୍ଟ ସହିତ ପୁରୀ, ଫୁଲବାଣୀ, ସମ୍ବଲପୁର ଓ ଯାଜପୁର ଜିଲ୍ଲା କୋର୍ଟକୁ ଏଭଳି ମେଲ୍ ଆସିଥିଲା । ଏହି ଧମକ ମିଛ ଥିଲା ବୋଲି ପରେ ଜଣାପଡ଼ିଲା । ତେବେ ଗତ ଜାନୁଆରୀ ୮ ତାରିଖରୁ ଏଭଳି ମେଲ୍ ବିଷୟରେ ଖୋଳତାଡ଼ ଆରମ୍ଭ ହୋଇଥିଲା । କଟକ ପୁଲିସ ସହିତ ଅନ୍ୟ ଜିଲ୍ଲା ପୁଲିସ ରାଜ୍ୟ କ୍ରାଇମବ୍ରାଞ୍ଚ ସହଯୋଗରେ ମେଲ୍ କେଉଁଠୁ ଆସିଛି ତାହା ଜାଣିବାକୁ ଉଦ୍ୟମ କରୁଥିଲେ । ଏଥିରେ କ୍ରାଇମବ୍ରାଞ୍ଚ ନୋଡାଲ୍ ଏଜେନ୍ସି ଭାବେ ଦେଶର ସର୍ବୋଚ୍ଚ ସାଇବର ଅପରାଧ ତଦନ୍ତକାରୀ ସଂସ୍ଥା ‘ଇଣ୍ଡିଆନ୍ ସାଇବର୍ କ୍ରାଇମ୍ କୋ’ର୍ଡିନେସନ୍ ସେଣ୍ଟର୍’ ସହିତ ସମନ୍ୱୟ ରଖି ତଦନ୍ତ ଆରମ୍ଭ କରିଥିଲା ।
ମ୍ୟୁନସିପାଲ ମହାବିଦ୍ୟାଳୟରେ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ
ମ୍ୟୁନସିପାଲ ମହାବିଦ୍ୟାଳୟରେ ବିଦାୟକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ
ସୁଶୀଳାବତୀ ସରକାରୀ ମହିଲା ମହାବିଦ୍ୟାଳୟର ଆମ୍ଭସୁରକ୍ଷା ଶିବିର ଉଦଯାପିତ
ସୁଶୀଳାବତୀ ସରକାରୀ ମହିଲା ମହାବିଦ୍ୟାଳୟର ଆମ୍ଭସୁରକ୍ଷା ଶିବିର ଉଦଯାପିତ ରାଉରକେଲା,୧୩(ଭାଗ୍ୟ ପ୍ରଣେତା)-ରାଉରକେଲ। ସେକ୍ଟର-୨ ସ୍ଥିତ ସୁଶିଳାବତୀ ସରକାରୀ ମହିଲା ମହାବିଦ୍ୟାଳୟରେ ଗତ ୧୯ତାରିଖରୁ ଚାଲିଥିବା ମହିଲା ଆମ୍ଭସୁରକ୍ଷା ପ୍ରଶିକ୍ଷଣ ଶିବିର ରବିବାର ଉଦଯାପିତ ହୋଇଯାଇଛି। ପ୍ରଶିକ୍ଷଣ ଶିବିରରେ ପ୍ରଶିକ୍ଷିକା ଜୟା ସିଂ, ନିଜି କୁଣ୍ଠାହ୍ନା, ଦୁଲାରୀ ସୁଣ୍ଡାରୀ ଏବଂ ରିତିକା ମହତୋ ପ୍ରମୁଖାତି ସ୍ଥାନୀୟ ମହାବିଦ୍ୟାଳୟ ଛାତ୍ରୀମାନଙ୍କୁ ଆସୁରକ୍ଷା ସୁରକ୍ଷା କୌଶଳାଦିର ବିସ୍ତୃତ ପ୍ରଶିକ୍ଷଣ ଓ ତାଳିମ ଦେଇଥିଲେ।।ମହାବିଦ୍ୟାଳୟର ସେଲଫ ଡିଫେନ୍ସ କ୍ଲବର କାର୍ଯ୍ୟନିର୍ବାହୀ ଅଧିକାରୀ ଡକ୍ଟର ରୋଜି ମଲ୍ଲିକ ଏବଂ ବବିତା ଟୁତୁଙ୍ଗ ପ୍ରତ୍ୟକ୍ଷ ତତ୍ଵବଧାନରେ ଏହି ଶିବିର ପରିଚାଳିତ ହୋଇଥିଲା। ଶିବିରର ଉଦଯାପନୀ ଶିବିରରେ ମହାବିଦ୍ୟାଳୟର ଅଧକ୍ଷା ପ୍ରଫେସର ଇପସିବା ଏକ୍କା ସୁଖ୍ୟଅତିଥି ଭାବେ ଯୋଗଦେଇ ଛାତ୍ରୀମାନଙ୍କୁ ଆସୁସୁରକ୍ଷା ନେଇ ସଂମ୍ପୁର୍ଣ ଶସକ୍ଟ ହେବାକୁ ପରାମର୍ଶ ଦେଇଥିଲେ। ପରେ ମହାବିଦ୍ୟାଳୟର ପ୍ରଶାସନିକ ବିଭାଗର ମୁଖ୍ୟ ଡକ୍ଟର ମାନସ କୁମାର ବେହେରା,ଶିକ୍ଷା ବିଭାଗର ମୁଖ୍ୟ ପ୍ରକାଶ ସୁରୀନ କୃତୀ ଛାତ୍ରୀମାନଙ୍କୁ ମାନପତ୍ର ପ୍ରଦାନ କରିଥିଲେ । ତେବେ ମହାବିଦ୍ୟାଳୟ ପକ୍ଷରୁ ଆୟୋଜିତ ଏହି ଆତ୍ମସୁରକ୍ଷା ପ୍ରଶିକ୍ଷଣ ଶିବିରରେ ଛାତ୍ରୀମାନେ ବିସ୍ତୃତ ଆସୁରକ୍ଷା କୌଶଳ ତାଳିମ ଲାଭ କରି ଆତ୍ମସନ୍ତୁଷ୍ଟ ଲଭିଥିବା ପ୍ରକାଶ କରିବା ସହିତ ସମସ୍ତଙ୍କୁ ଧନ୍ୟବାଦ ଜ୍ଞାପନ ଜଣାଇଥିଲେ।
ତେଲିଙ୍ଗିବାଜା' ପତ୍ରିକା ପକ୍ଷରୁ ଛାତ୍ରଛାତ୍ରୀଙ୍କ ମଧ୍ୟରେ ଓଡ଼ିଆ ଶ୍ରୁତଲିଖନ ପ୍ରତିଯୋଗିତା
ତେଲିଙ୍ଗିବାଜା' ପତ୍ରିକା ପକ୍ଷରୁ ଛାତ୍ରଛାତ୍ରୀଙ୍କ ମଧ୍ୟରେ ଓଡ଼ିଆ ଶ୍ରୁତଲିଖନ ପ୍ରତିଯୋଗିତା
ରାଉରକେଲା, ୧୲୩(ଭାଗ୍ୟ ପ୍ରଣେତା) ବେଦବ୍ୟାସରୁ ନିୟମିତ ପ୍ରକାଶ ପାଇ ଆସୁଥିବା ତ୍ରୟ ମାସିକ ଶିଶୁପତ୍ରିକା ତେଲିଙ୍ଗିବାଜା ଆନୁକୂଲ୍ୟରେ ଗୁରୁକୁଳ ବୈଦିକ ଆଶ୍ରମ ପରିସରରେ ଛାତ୍ରଛାତ୍ରୀଙ୍କ ମଧ୍ୟରେ ଓଡ଼ିଆ ଭାଷାରେ ଶବ୍ଦଲିଖନ ,ଶୁଦ୍ଧ ପଠନ ଓ ଚିତ୍ରାଙ୍କନ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି l
ସେବାବିରତ ଶିକ୍ଷକ ଓ କବି ଡଃ. ନିଶିକାନ୍ତ ମିଶ୍ରଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମରେ ତେଲିଙ୍ଗିବାଜା ପତ୍ରିକାର ସମ୍ପାଦକ ପ୍ରଫୁଲ୍ଲ ଚନ୍ଦ୍ର ବାରିକ ସ୍ଵାଗତ ଭାଷଣ ସହିତ କାର୍ଯ୍ୟକ୍ରମର ଆଭିମୁଖ୍ୟ ସମ୍ପର୍କରେ ସୂଚନା ଦେଇଥିଲେ l ମୁଖ୍ୟ ଅତିଥି ଭାବେ ଯୋଗଦେଇ ଆଶ୍ରମର ସମ୍ପାଦକ ଅଶୋକ କୁମାର ଅଗ୍ରୱାଲ ପ୍ରଦୀପ ପ୍ରଜ୍ଜ୍ଵଳନ କରି କହିଲେ ଯେ, ଶିଶୁମାନଙ୍କ ପାଇଁ ଏଭଳି ପ୍ରତିଯୋଗିତା ଯୋଗୁଁ ଓଡ଼ିଆ ଭାଷା ସାହିତ୍ୟର ଗୌରବ ବୃଦ୍ଧି ପାଇବ l ଅବସରପ୍ରାପ୍ତ ଶିକ୍ଷକ ଓ ବୈଦିକ ବିଦ୍ଵାନ ଶରତ କୁମାର ଦେହୁରୀ ପିଲାମାନଙ୍କୁ ନୀତି ଉପଦେଶ ମାଧ୍ୟମରେ କ୍ଷୁଦ୍ର ଗପ କହିଥିଲେ l ବରିଷ୍ଠ ଶିଶୁ ସାହିତ୍ୟିକ ସତ୍ୟବ୍ରତ ଦାସ ପ୍ରାଥମିକ ସ୍ତରରୁ ପିଲାମାନଙ୍କ ମନରେ ଭାଷାପ୍ରୀତି ଜାଗ୍ରତ କରାଇଲେ ଆଗାମୀ ପିଢିକୁ ଦିଗ୍ ଦର୍ଶନ ମିଳିବ ବୋଲି କହିଥିଲେ l ପ୍ରଧାନଶିକ୍ଷୟିତ୍ରୀ ଆରତି ଦାଶ କହିଲେ ଯେ, ଭାଷା ବଞ୍ଚିଲେ ଆମ ସଂସ୍କୃତି ବଞ୍ଚିବ l ପିଲାମାନଙ୍କୁ ମାତୃଭାଷାରେ ଶିକ୍ଷିତ କରାଇଲେ ଆମ ଓଡ଼ିଆ ଭାଷା ସାହିତ୍ୟର ଭବିଷ୍ୟତ ସ୍ୱାଭିମାନ ସମୃଦ୍ଧ ହେବ l ଅନ୍ୟ ମାନଙ୍କ ମଧ୍ୟରେ ବବିତା ସାହୁ, ସଞ୍ଜୁଲତା ମହାପାତ୍ର, ପୁଷ୍ପାଞ୍ଜଳି ଚୌଧୁରୀ ପ୍ରମୁଖ ଯୋଗ ଦେଇଥିଲେ l ଏହି ପ୍ରତିଯୋଗୀତାରେ ଲାଠିକଟା ବ୍ଲକ୍ ର ବେଦବ୍ୟାସ ଉଚ୍ଚ ପ୍ରାଥମିକ ବିଦ୍ୟାଳୟ,ଲୁଙ୍ଗେଇ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ, ପାହାଡ଼ିଟୋଲା, ନଦୀଟୋଲା ସିଂହଟୋଲା, ବୁରୁଟୋଲା,କଲୁଙ୍ଗା, ସରସ୍ଵତୀ ଶିଶୁ ବିଦ୍ୟାମନ୍ଦିର,ଗୁରୁକୁଳ ସଂସ୍କୃତ ବିଦ୍ୟାଳୟ, ଓମ୍ ବେଦବ୍ୟାସ ପବ୍ଲିକ୍ ସ୍କୁଲ୍ ଆଦିର ୬୦ ଜଣ ଛାତ୍ରଛାତ୍ରୀ ଯୋଗ ଦେଇଥିଲେ l କୃତୀ ପ୍ରତିଯୋଗୀଙ୍କୁ ଚଳିତ ମାସ ୨୯ ତାରିଖରେ ହେବାକୁ ଥିବା ତ୍ରୟୋବିଂଶ ତେଲିଙ୍ଗିବାଜା ସମ୍ମାନ ସମାରୋହରେ ପୁରସ୍କୃତ କରାଯିବ I
ବାସୁଦେବପୁର ଜନ କଲ୍ୟାଣ ପରିଷଦ, ରାଉରକେଲାର ରଜତ ଜୟନ୍ତୀ ମହାସମାରୋହରେ ପାଳିତ
ବାସୁଦେବପୁର ଜନ କଲ୍ୟାଣ ପରିଷଦ, ରାଉରକେଲାର ରଜତ ଜୟନ୍ତୀ ମହାସମାରୋହରେ ପାଳିତ
ରାଉରକେଲା,1|3(ଭାଗ୍ୟ ପ୍ରଣେତା )-ରାଉରକେଲା ସେକ୍ଟର-7 ସ୍ଥିତ ମଧୁ ମଣ୍ଡପ ଠାରେ ରବିବାର ବାସୁଦେବପୁର ଜନ କଲ୍ୟାଣ ପରିଷଦର ରୌପ୍ୟ ଜୟନ୍ତୀ ମହାସମାରୋହରେ ପାଳିତ ହୋଇଯାଇଛି| ଏ ଅବସରରେ ଅନୁଷ୍ଠାନର ସାଧାରଣ ସମ୍ପାଦକ ଲକ୍ଷ୍ମଣ ନାଥ ଦାସ ଅନୁଷ୍ଠାନର ବାର୍ଷିକ ବିବରଣୀ ପାଠ କରିଥିବା ବେଲେ, କାର୍ଯ୍ୟକାରୀ ସଭାପତି ପ୍ରଧ୍ୟାପକ ଭବେଶ ଚନ୍ଦ୍ର ସାହୁ ଅତିଥି ପରିଚୟ ପ୍ରଦାନ କରିଥିଲେ| ମୁଖ୍ୟ ଅତିଥି ଭାବେ ବାସୁଦେବପୁର ବିଧାୟକ ଅଶୋକ କୁମାର ଦାସ, ରାଉରକେଲା ବିଧାୟକ ସାରଦା ପ୍ରସାଦ ନାୟକ, ରଘୁନାଥପଲ୍ଲୀ ବିଧାୟକ ଦୁର୍ଗାଚରଣ ତନ୍ତୀ ଓ ମୁଖ୍ୟଵକ୍ତା ଭାବରେ ବରିଷ୍ଠ ଐତିହାସିକ ତଥା ଗବେଷକ ଡକ୍ଟର ଅଜୟ କୁମାର ପଣ୍ଡା ଯୋଗଦେଇ ଅବିଭକ୍ତ ବାଲେଶ୍ୱର, ବର୍ତ୍ତମାନର ଭଦ୍ରକ ଜିଲ୍ଲା ଅନ୍ତର୍ଗତ ବାସୁଦେବପୁରର ଐତିହ୍ୟ କେବଳ ଓଡ଼ିଶା ନୁହେଁ, ବରଂ ସମଗ୍ର ଭାରତବର୍ଷର ଇତିହାସ ଏବଂ ସଂସ୍କୃତିରେ ଏକ ସ୍ୱତନ୍ତ୍ର ତଥା ଗୌରବମୟ ସ୍ଥାନ ଅଧିକାର କରିଛି। ବାସୁଦେବପୁରର ନାମ ନେଲେ ପ୍ରଥମେ ମନକୁ ଆସେ 'ରକ୍ତତୀର୍ଥ ଇରମ୍'ର କଥା। ଯାହାକୁ ଭାରତର "ଦ୍ୱିତୀୟ ଜାଲିଆନାୱାଲାବାଗ" କୁହାଯାଏ। ସାହିତ୍ୟିକ ଓ ସାଂସ୍କୃତିକ ଅବଦାନ:
ବାସୁଦେବପୁର ଅଞ୍ଚଳ ଓଡ଼ିଆ ସାହିତ୍ୟକୁ ଅନେକ ମୂଲ୍ୟବାନ ରତ୍ନ ପ୍ରଦାନ କରିଛି, ଯେଉଁଥିରେ ସ୍ୱାଧୀନତା ସମୟର ଜାତୀୟତାବାଦୀ ଚେତନା ଭରି ରହିଛି।ଜାତୀୟ କବି ବାଞ୍ଛାନିଧି ମହାନ୍ତି: ବାସୁଦେବପୁର ଅନ୍ତର୍ଗତ ଇରମ୍ରେ ଜନ୍ମିତ ବାଞ୍ଛାନିଧି ମହାନ୍ତିଙ୍କ ଜାତୀୟତାବାଦୀ କବିତା ଏବଂ ସଙ୍ଗୀତ ଓଡ଼ିଶାରେ ସ୍ୱାଧୀନତା ସଂଗ୍ରାମର ନିଆଁକୁ ପ୍ରଜ୍ଜ୍ୱଳିତ କରିଥିଲା। ତାଙ୍କର ଦେଶାତ୍ମବୋଧକ ଗୀତଗୁଡ଼ିକ ଆଜି ମଧ୍ୟ ଓଡ଼ିଆ ଜାତିର ପ୍ରାଣରେ ଶିହରଣ ସୃଷ୍ଟି କରେ ବୋଲି ଉଲ୍ଲେଖ କରିବା ସହିତ ବାସୁଦେବପୁରର ଏହି ମହାନ ଐତିହ୍ୟ, ପରୋପକାର ଏବଂ ସାମାଜିକ କଲ୍ୟାଣର ଭାବନା ଏତେ ସୁଦୃଢ଼ ଯେ, ଏହାର ମାଟିର ସନ୍ତାନମାନେ ନିଜ ଜନ୍ମଭୂମିରୁ ଦୂରରେ ଥିଲେ ମଧ୍ୟ ସାଂସ୍କୃତିକ ଓ ଜନକଲ୍ୟାଣକାରୀ ସଙ୍ଗଠନ ମାଧ୍ୟମରେ ନିଜର ପରମ୍ପରାକୁ ଉଜ୍ଜୀବିତ ରଖିଥାନ୍ତି। ସେମାନେ ଯେଉଁଠି ବି ରହନ୍ତି, ବାସୁଦେବପୁରର ସାଂସ୍କୃତିକ ମୂଲ୍ୟବୋଧ ଏବଂ ଭାଇଚାରାର ବାର୍ତ୍ତା ପ୍ରସାର କରିବାରେ ଆଗଭର ରହିଥାନ୍ତି।ଜନ୍ମ ମାଟିର ଏହି ବିଶାଳ ଐତିହ୍ୟକୁ ପାଥେୟ କରି ସୁଦୂର ରାଉରକେଲା ପରି ଏକ ଶିଳ୍ପ ସମୃଦ୍ଧ ସହରରେ ୧୯୯୯ ମସିହାରେ ଜନ୍ମ ନେଇ ୨୦୦୧ ମସିହିରେ ସୋସାଇଟି ଆକ୍ଟ ଦ୍ବାରା ପଂଜିକୃତ ହୋଇଥିବା "ବାସୁଦେବପୁର ଜନ କଲ୍ୟାଣ ପରିଷଦ" ଆଜି ଏହାର ରଜତ ଜୟନ୍ତୀ ପାଳନ କରି ପରିଛି।ଯେଉଁ ମହାନ୍ ଆତ୍ମା ମାନଙ୍କ ଅକ୍ଳାନ୍ତ ପରିଶ୍ରମର ଫଳ ସ୍ବରୂପ ଏହି ଅନୁଷ୍ଠାନଟି ଜନ୍ମ ନେଇଥିଲା, ସେମାନଙ୍କ ମଧ୍ୟରୁ ଅଧିକାଂଶ ଈହ ଧାମ ତ୍ୟାଗ କରି ସାରିଥିଲେ ମଧ୍ୟ ସେମାନଙ୍କ ସ୍ମୃତି ଆମ ଭିତରେ ଅଲିଭା ହୋଇ ରହିଛି। ଆଜିର ଏହି ଶୁଭ ଅବସରରେ ସେହି ମହାନୁଭବ ମାନଙ୍କୁ ପ୍ରଥମେ ସ୍ମରଣ କରି ଭକ୍ତିପୂତ ଶ୍ରଦ୍ଧାଂଜଳି ଅର୍ପଣ କରୁଛୁ |ସେମାନଙ୍କ ମଧ୍ୟରେ ପ୍ରତିଷ୍ଠାତା ସମ୍ପାଦକ ବାଇଧର ନାୟକ ତଥା ତାଙ୍କ ସହଧର୍ମିଣୀ ସାବିତ୍ରୀ ନାୟକ, ପ୍ରତିଷ୍ଠାତା ସଭାପତି ଯଦୁନାଥ ଦାସ, ଉପସଭାପତି ଡମ୍ବରୁଧର ପ୍ରଧାନ, ଉପଦେଷ୍ଟା ବିପିନ ବିହାରୀ ପଣ୍ଡା, ରମେଶ ଚନ୍ଦ୍ର ବେହେରା, ବାଙ୍କ ବିହାରୀ ମହାନ୍ତି, ଅଲେଖ ଚନ୍ଦ୍ର ପଲେଇ, ଖଗେନ୍ଦ୍ର ପ୍ରସାଦ ରାୟ, ଅର୍ଜୁନ ଚରଣ ପରିଡ଼ା, ବାଇଧର ଦାଶ ଜୟଦେବ ଦାଶ ଏବଂ ଆହୁରି ଅନେକ।ଏହି ଅନୁଷ୍ଠାନ ପ୍ରତ୍ୟେକ ବର୍ଷ ଜାତୀୟ କବି ବାଞ୍ଛାନିଧି ମହାନ୍ତି ଜୟନ୍ତୀ, ଇରମ ସହିଦ ସ୍ମୃତି ଦିବସ ଏବଂ ବାର୍ଷିକ ଉତ୍ସବ ଆଡ଼ମ୍ବର ସହକାରେ ପାଳନ କରିଥାଏ। ଏହି ଅବସରରେ ବିଭିନ୍ନ କ୍ଷେତ୍ରରେ କୃତିତ୍ୱ ଅର୍ଜନ କରିଥିବା ବିଶିଷ୍ଟ ବ୍ୟକ୍ତିଙ୍କୁ ସମ୍ବର୍ଦ୍ଧିତ କରିବା ଏବଂ ବିଦ୍ୟାଳୟ ସ୍ତରୀୟ ପ୍ରତିଯୋଗିତାରେ ଅଂଶଗ୍ରହଣ କରି କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀ ମାନଙ୍କୁ ପୁରସ୍କୃତ କରାଯାଇଥାଏ |ଦୁରାରୋଗ୍ୟ ବ୍ୟାଧିରେ ପୀଡ଼ିତ ଅଭାବୀ ସଦସ୍ୟ ସଦସ୍ୟା ମାନଙ୍କ ଚିକିତ୍ସା ପାଇଁ ବଦାନ୍ୟ ବ୍ୟକ୍ତି ମାନେ ଅନୁଷ୍ଠାନ ମାଧ୍ୟମରେ ସହାୟତାର ହାତ ବଢ଼ାଇ ଥାଆନ୍ତି।ଆର୍ଥିକ ଅନଗ୍ରସର ମେଧାବୀ ଛାତ୍ରଛାତ୍ରୀଙ୍କୁ ଆର୍ଥିକ ସହାୟତା ପ୍ରଦାନ :"ଫାଉଣ୍ଡେସନ ଫର ଏକ୍ସେଲେନ୍ସ", ବାଙ୍ଗାଲୋର, "ନର୍ଥ୍ ସାଉଥ୍ ଫାଉଣ୍ଡେସନ", ହାଇଦ୍ରାବାଦ ଏବଂ "ବିକାଶ ଏଜୁକେଶନାଲ ଚାରିଟେବୁଲ ଟ୍ରଷ୍ଟ", ଭୁବନେଶ୍ୱର ପ୍ରଭୃତି ଆନ୍ତର୍ଜାତିକ ସ୍ବେଛାସେବୀ ସଂସ୍ଥା ତଥା କେତେକ ବଦାନ୍ୟ ବ୍ୟକ୍ତିଙ୍କ ସହଯୋଗରେ ବର୍ତ୍ତମାନ ପ୍ରାୟ ଦୁଇ ଶହରୁ ଊର୍ଦ୍ଧ୍ବ ଏମ୍ ବି ବି ଏସ, ବି.ଟେକ୍, ନର୍ସିଂ ଡିଗ୍ରୀ, ଡିପ୍ଲୋମା ଇଞ୍ଜିନିୟରିଂ ପ୍ରଭୃତି ପଢ଼ୁଥିବା ପିଲାମାନଙ୍କୁ ବାର୍ଷିକ ହାରାହାରି ୭୫ଲକ୍ଷରୁ ଊର୍ଦ୍ଧ୍ବ ଆର୍ଥିକ ସହାୟତା ପ୍ରଦାନ କରାଯାଉଛି।ପରିଷଦର ଏକ ନିଜସ୍ୱ ପାଠାଗାର ରହିଛି ଯେଉଁଠି ନିଜସ୍ଵ ପୁସ୍ତକ ସହ ରାଜା ରାମମୋହନ ରାୟ ଲାଇବ୍ରେରୀ ଫାଉଣ୍ଡେସନ ତରଫରୁ ପ୍ରାପ୍ତ ପ୍ରାୟ ତିନି ହଜାରରୁ ଊର୍ଦ୍ଧ୍ବ ମୂଲ୍ୟବାନ ପୁସ୍ତକ ରହିଛି।ପରିଷଦର ମୁଖପତ୍ର - ବେଳାଭୂମିର ପ୍ରଥମ ସଂସ୍କରଣ ୨୦୦୨ ମସିହାରେ ତତ୍କାଳୀନ ସାଧାରଣ ସମ୍ପାଦକ ସ୍ବର୍ଗତ ବାଇଧର ନାୟକଙ୍କ ଅଦମ୍ୟ ପ୍ରଚେଷ୍ଟା ତଥା ପ୍ରାଧ୍ୟାପକ ଡ. ପ୍ରଭାକର ରାଉତଙ୍କ ସୁଦକ୍ଷ ସମ୍ପାଦନାରେ ପ୍ରକାଶ ପାଇଥିଲା ଏବଂ କ୍ରମାଗତ ଭାବେ ପରବର୍ତ୍ତୀ ତିନୋଟି ସଂସ୍କରଣ ମଧ୍ୟ ଡ. ରାଉତଙ୍କ ସଫଳ ସମ୍ପାଦନାରେ ପ୍ରକାଶିତ ହୋଇଥିଲା। ୨୦୦୬ ଏବଂ ୨୦୦୭ ମସିହାରେ ପ୍ରକାଶିତ ପଞ୍ଚମ ଏବଂ ଷଷ୍ଠ ସଂସ୍କରଣର ସମ୍ପାଦନା ଦାୟିତ୍ବ ନେଇଥିଲେ ଶିକ୍ଷୟିତ୍ରୀ କବୀ ଶ୍ରୀମତୀ ସବିତା ରାଣୀ ବେହେରା।ପରବର୍ତ୍ତୀ ସପ୍ତମ, ଅଷ୍ଟମ ଏବଂ ନବମ ସଂସ୍କରଣ ଡାକ୍ତର ଗୌରାଙ୍ଗ ଚନ୍ଦ୍ର ମଣ୍ଡଳଙ୍କ ସମ୍ପାଦନାରେ ସୁଚାରୁରୂପେ ପ୍ରକାଶିତ ହୋଇଥିଲା।୨୦୧୧ରେ ପ୍ରକାଶିତ ଦଶମ ସଂସ୍କରଣରୁ ଅଦ୍ୟାବଧି ଶିକ୍ଷକ କବି ଶ୍ରୀଯୁକ୍ତ ବଳରାମ ରାଉଳ ଏହାର ସମ୍ପାଦନା ଦାୟିତ୍ବ ଦକ୍ଷତାର ସହ ତୁଲାଇ ଆସୁଥିବା ବେଳେ ଶ୍ରୀଯୁକ୍ତ ଶରତ କୁମାର ଦାସ ଏବଂ ଅନ୍ୟମାନେ ତାଙ୍କୁ ସକ୍ରିୟ ସହଯୋଗ କରିଆସୁଛନ୍ତି।ପ୍ରତିଷ୍ଠାତା ସଭାପତି ଯଦୁନାଥ ଦାସଙ୍କ ପରେ ଦୁଇ ବର୍ଷ ପାଇଁ ଡାକ୍ତର ଗୌରାଙ୍ଗ ଚରଣ ମଣ୍ଡଳ ସଭାପତି ପଦ ଅଳଙ୍କୃତ କରିଥିଲେ। ତାଙ୍କ ପରେ ୨୦୦୭ ମସିହାରୁ ଡାକ୍ତର ରବିନାରାୟଣ ମହାପାତ୍ର ଏକନିଷ୍ଠ ଭାବରେ ସଭାପତି ଦାୟିତ୍ୱ ନିର୍ବାହ କରିଆସୁଛନ୍ତି।ସେହିପରି ଅସୁସ୍ଥତା କାରଣରୁ ବାଇଧର ନାୟକ ୨୦୦୭ ମସିହାରେ ଦାୟିତ୍ବରୁ ଅବ୍ୟାହତି ନେବା ପରେ, ସଂଗ୍ରାମ କେଶରୀ ଦାସ ପରବର୍ତ୍ତୀ ଦୁଇ ବର୍ଷ ପର୍ଯ୍ୟନ୍ତ ସାଧାରଣ ସମ୍ପାଦକ ଭାବେ ସୁଚାରୁରୂପେ କାର୍ଯ୍ୟଭାର ତୁଲାଇଥିଲେ। ବିଗତ ୧୭ ବର୍ଷର ଏହି ଦୀର୍ଘ ସାଂଗଠନିକ ଯାତ୍ରାପଥରେ କାର୍ଯ୍ୟକାରୀ ସମିତିର ସମସ୍ତ ପଦାଧିକାରୀ ତଥା ସଦସ୍ୟମାନଙ୍କ ଅକୁଣ୍ଠ ସହଯୋଗ ଅନୁଷ୍ଠାନକୁ ନିରନ୍ତର ଆଗେଇ ନେବାରେ ସହାୟକ ହୋଇଛି।ଦୀର୍ଘ ପଚିଶ ବର୍ଷରୁ ଊର୍ଦ୍ଧ୍ବ ଏହି ସୁଦୀର୍ଘ ଯାତ୍ରାପଥରେ ଆମେ ବହୁ ମହାନୁଭବଙ୍କୁ ଚିରଦିନ ପାଇଁ ହରାଇଛୁ। ଅନେକ ସଦସ୍ୟ ସରକାରୀ ସେବାରୁ ଅବସର ଗ୍ରହଣ କରିବା ପରେ ରାଉରକେଲା ତ୍ୟାଗ କରି ନିଜ ପଲ୍ଲୀ କିମ୍ବା ଅନ୍ୟତ୍ର ବସବାସ କଲେଣି।ତଥାପି ଏଥିରେ ହତାଶ ହେବାର କିଛି ନାହିଁ। ବର୍ତ୍ତମାନ ଆମର ଅଶୀତିପର ବୟସରେ ଉପନୀତ ସୁଦକ୍ଷ ସଭାପତି ଡାକ୍ତର ରବିନାରାୟଣ ମହାପାତ୍ରଙ୍କ ନେତୃତ୍ବରେ କର୍ମକର୍ତ୍ତାମାନେ ନୂତନ ଉନ୍ମାଦନା ଓ ଉତ୍ସାହର ସହ କାର୍ଯ୍ୟ କରିଚାଲିଛନ୍ତି। ମୋର ଦୃଢ଼ ବିଶ୍ୱାସ, ଆଗାମୀ ଯୁବପିଢ଼ି ଏହି ସାରସ୍ୱତ ତଥା ସାମାଜିକ ଅନୁଷ୍ଠାନର ମଶାଲକୁ ନିଜ ହାତକୁ ନେବେ ଏବଂ ଏହାକୁ ଆହୁରି କର୍ମଚଞ୍ଚଳ କରି ପ୍ରଗତିର ପଥରେ ଆଗେଇ ନେବେ ବୋଲି କହିଥିଲେ | ପରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ହୋଇଥିଲା, ପରିଶେଷରେ ଉଜ୍ବଳ ପ୍ରଦୀପ ଦାସ ଧନ୍ୟବାଦ ଜ୍ଞାପନ କରିଥିଲେ |
Subscribe to:
Posts (Atom)
-
A demand has been made by the Rourkela Engineers Association to develop Rourkela into “Greater Rourkela” Cabinet m... -
ଓଡିଶା ବିଧାନସଭା ଉପବାଚସ୍ପତି ଭବାନୀ ଶଙ୍କର ଭୋଇଙ୍କ ସହିତ ସଂଘ କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ସହିତ ରାଉରକେଲା ଇଂଜିନିୟର ସଂଘର ବିମଳ ବିଶି ଓ ଅନ୍ୟମାନେ ସୁରେଶ ପ... -
रेवेन्यू मिनिस्टर सुरेश पुजारी के साथ बिमल बिशी ग्रेटर राउरकेला के मांग को लेकर राउरकेला इंजीनियर एसोसिएशन के तरफ से सौंपा गया ज्ञापन ...