ଓଡ଼ିଶା ମେଟାଲିକ୍ସ ବିରୁଦ୍ଧରେ ବଢୁଛି ଜନ ଅସନ୍ତୋଷ, ନିଯୁକ୍ତି ଓ ବେଆଇନ ଜଳ ଉଠାଣକୁ ନେଇ ଜିଲ୍ଲାପାଳଙ୍କୁ ଦାବିପତ୍ର,ଆନ୍ଦୋଳନ ଚେତାବନୀ
ଝାରସୁଗୁଡ଼ା, ୮/୫(ଭାଗ୍ୟ ପ୍ରଣେତା)-ଝାରସୁଗୁଡ଼ା ଜିଲ୍ଲା ମରାକୁଟା ସ୍ଥିତ ଓଡ଼ିଶା ମେଟାଲିକ୍ସ କମ୍ପାନୀର ଜନବିରୋଧୀ କାର୍ଯ୍ୟକଳାପ ବିରୁଦ୍ଧରେ ମରାକୁଟା ଗ୍ରାମ ପଞ୍ଚାୟତ ପକ୍ଷରୁ ସ୍ବର ଉତ୍ତୋଳନ କରାଯାଇଛି। ଶୁକ୍ରବାର ଦିନ ଗ୍ରାମବାସୀମାନେ ଏକତ୍ରିତ ହୋଇ ଝାରସୁଗୁଡ଼ା ଜିଲ୍ଲାପାଳ, ଆରକ୍ଷୀ ଅଧୀକ୍ଷକ ଓ ଉପ-ଜିଲ୍ଲାପାଳଙ୍କୁ ଭେଟି ଏକ ଦାବିପତ୍ର ପ୍ରଦାନ କରିଛନ୍ତି।ଗ୍ରାମବାସୀଙ୍କ ଅଭିଯୋଗ ଅନୁଯାୟୀ, କମ୍ପାନୀ ପ୍ରତିଷ୍ଠା ହେବା ପରେ ଅନେକ ପରିବାର ନିଜର ଚାଷଜମି ହରାଇଥିଲେ ମଧ୍ୟ ସେମାନଙ୍କୁ କମ୍ପାନୀରେ ନିଯୁକ୍ତି ଦିଆଯାଉ ନାହିଁ। ଏସହିତ ପୂର୍ବରୁ କାର୍ଯ୍ୟରତ ଅଭିଜ୍ଞ ସ୍ଥାନୀୟ କର୍ମଚାରୀମାନଙ୍କୁ କୌଣସି କାରଣ ନଥାଇ ଛଟେଇ କରାଯାଉଛି କିମ୍ବା ସେମାନଙ୍କୁ ଠିକା ସଂସ୍ଥା ଅଧୀନରେ କାମ କରିବାକୁ ବାଧ୍ଯ କରାଯାଉଛି। ଅନ୍ୟପଟେ କମ୍ପାନୀ ବାହାର ରାଜ୍ୟର ଲୋକଙ୍କୁ ନିଯୁକ୍ତି ଦେବାରେ ଅଧୂକ ଆଗ୍ରହ ପ୍ରକାଶ କରୁଥିବା ନେଇ ଗ୍ରାମବାସୀ ଅସନ୍ତୋଷ ବ୍ୟକ୍ତ କରିଛନ୍ତି। ଅନ୍ୟ ଏକ ଗୁରୁତର ଅଭିଯୋଗ ଅନୁଯାୟୀ, କମ୍ପାନୀ ବେଆଇନ ଭାବେ ପ୍ରାୟ ୫୨ ଏକର ଗୋଚର ଜମି ଓ ଶ୍ମଶାନ ଜମିକୁ କବଜା କରି ପାଚେରୀ ନିର୍ମାଣ କରିଛି, ଯାହା ଫଳରେ ଗ୍ରାମବାସୀଙ୍କ ଗୋରୁଗାଈଙ୍କ ଚରିବା ପାଇଁ ସମସ୍ୟା ସୃଷ୍ଟି ହେଉଛନ୍ତି ।ଏହି ସବୁ ସମସ୍ୟା ର ସମାଧାନ ଯଦି ଆସନ୍ତା ମେ' ୧୩ ତାରିଖ ମଧ୍ୟରେ କମ୍ପାନୀ କିମ୍ବା ପ୍ରଶାସନ ପକ୍ଷରୁ କୌଣସି ସନ୍ତୋଷଜନକ ପଦକ୍ଷେପ ନିଆନଯାଏ, ତେବେ ଗ୍ରାମବାସୀମାନେ ଓଡ଼ିଶା ମେଟାଲିକ୍ସ କମ୍ପାନୀର ମୁଖ୍ୟ ଫାଟକ ସମ୍ମୁଖରେ ଶାନ୍ତିପୂର୍ଣ୍ଣ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି। ଏହି ଦାବିପତ୍ର ପ୍ରଦାନ ସମୟରେ ମରାକୁଟା ସରପଞ୍ଚ ଲିଲି ତନ୍ତ୍ରି, ସମିତି ସଭ୍ୟା ସୁଜାତା ମେହେର, ନାଏବ ସରପଞ୍ଚ ଆଶିଷ କୁମାର ଗର୍ଡିଆ, ଙ୍କ ସାହିତ୍ୟ ଗୋଲାପ ବେହେରା, ଦିଲେଶ୍ବର ମେହେର ଓ ଅନ୍ୟାନ୍ୟ ଗ୍ରାମବାସୀମାନେ ଉପସ୍ଥିତ ଥିଲେ।ସୂଚନା ଥାଉ କି ଧୀରେ ଧୀରେ ଓଡିଶା ମେଟାଲିକ କମ୍ପାନୀ ର ବେଆଇନ କାର୍ଯ୍ୟ କଳାପ କୁ ଅଂଚଳ ରେ ଧୀରେ ଧୀରେ ଜନ ଅସନ୍ତୋଷ ବଢିବା ରେ ଲାଗିଲାଣି |ଯଦି କମ୍ପାନୀ ଓ ଜିଲ୍ଲା ପ୍ରଶାସନ ଏହା ଉପରେ ସଠିକ ପଦକ୍ଷେପ ନ ନିଅନ୍ତି, ଆଗାମୀ ଦିନ ରେ ଏହା ବିରାଟ ଜନ ଆନ୍ଦୋଳନ ହେବ, ଏଥିରେ ତିଳେମାତ୍ର ସନ୍ଦେହ ନାହିଁ |
No comments:
Post a Comment